План-канспект БМ 5 кл Гукі беларускай мовы

Клас ___5___                                             Дата ___________

Тэма: Гукі беларускай мовы

Мэты:

-           паглыбіць у вучняў уяўленне гукаў беларускай мовы, паказаць іх ролю ў мове як кампанентаў слоў і сродкаў іх адрознення;

-           выпрацоўваць уменне чуць, вылучаць гукі, абазначаць іх літарамі;

-           выхоўваць эстэтычныя пачуцці, уменне бачыць прыгажосць зімы.

                                       Ход урока

I.                  Арганізацыйны момант

II.               Арфаграфічная хвілінка

Балерына, берэт, секунда, гараджане, плывец, подпіс, паштальён, пенал, капялюш, фламастар.

Праца па парах: вучні мяняюцца сшыткамі і правяраюць адзін аднаго.

III.           Праверка дамашняга задання

Франтальнае апытванне

1)    Які сказ называецца складаным?

2)    Што такое зваротак?

3)    Як афармляецца простая мова?

4)    Што такое дыялог?

IV.           Знаёмства з новай тэмай

Называнне тэмы ўрока і мэт

Чытанне правіла параграфа 26.

Работа з падручнікам

Выкананне практыкання 189.

Фізкультхвілінка.

Калі настаўнік называе просты сказ – вучні падымаюць рукі ўверх, калі складаны – прысядаюць і хлопаюць унізе.

Прыйшла марозная зіма. Хлопчыкі коўзаліся на санках, а дзяўчаты ляпілі снегавіка. Мядзведзь на зіму ўпадае ў спячку і не прачынаецца да вясны. Мяккі снег павольна падаў на зямлю. Ільдзінкі пачыналі хрумсцець, калі на іх наступалі дзеці.

Зарадка для вачэй.

V.               Фарміраванне ўменняў і навыкаў

Арганізацыя пошукавай дзейнасці. Работа з тэкстам 

Здароў, марозны, звонкі вечар!

Здароў, скрыпучы мяккі снег!

Мяцель не вее, сціхнуў вецер,

І волен лёгкіх санак бег.

     Як мары, белыя бярозы

     Пад сінявой начной стаяць,

     У небе зоркі, ад марозу

     Пахаладзеўшыя, дрыжаць.                       

Заданні:

1.                        Вызначце тэму і асноўную думку тэксту.

2.                        Знайдзіце звароткі.

3.                        Зрабіце фанетычную транскрыпцыю слоў “снег”, “лёгкіх”, “дрыжаць”, “мяцель”, “бярозы”.

4.       Спішыце сказ “Мяцель не вее, сціхнуў вецер, і волен лёгкіх санак бег”, разбярыце па членах сказаў.

      Фанетычны разбор. Зрабіць фанетычны разбор слоў “прыгожа”, “лёд”, “раздолле”.

Творчая хвілінка. Напісаць міні-сачыненне “Што можна ўбачыць у зімовым лесе”.

VI.           Падагульненне. Рэфлексія

-        Які раздзел навукі аб мове называецца фанетыкай?

-        Ці ўдалося атрымаць адказ на пытанні, якія ўзніклі ў пачатку ўрока?

VII.        Дамашняе заданне

Параграф 26. Практыкаванне 195.

VIII.   Падвядзенне вынікаў урока. Выстаўленне і каменціраванне адзнак